Gagnaveita Reykjavíkur styrkir vöktun Heklu.

Búið er að taka í notkun vefmyndavél sem vaktar Heklu. Vefmyndavélin sem er staðsett í 700 metra hæð ofan á Búrfelli er beint að Heklu. Hekla gaus síðast 26.febrúar 2000,  en hún gýs venjulega með áratuga millibili og er því von á gosi á næstunni. Mögulegt yrði að fylgjast með þróun gossins í rauntíma og sjá hugsanlega leið hraunrennslis og gosmökks.

Vefmyndavélin á að standast mikið veðurálag. Hægt er að fjarstýra henni og stjórna bæði aðdrætti sem er 35 faldur og sjónarhorni en hægt er að snúa vélinni um 180°.

Öryggismálanefnd RÚV stendur fyrir uppsetningunni í samstarfi við Gagnaveitu Reykjavíkur, Almannavarnir og Fjarska.

Slóð vefmyndavélarinnar er http://www.ruv.is/hekla/