Laus störf í boði hjá Gagnaveitu Reykjavíkur.

Gagnaveita Reykjavíkur, dótturfélag Orkuveitu Reykjavíkur, vinnur að uppbyggingu, þjónustu og rekstri á gagnaflutningskerfi byggt á ljósleiðaratækni.  Um ljósleiðaranetið rekur Gagnaveitan öflugt dreifi- og samskiptakerfi fyrir sjónvarp, síma og Internet, byggt á IP/MPLS tækni.

Deildarstjóri Framleiðsludeildar

Gagnaveita Reykjavíkur leitar að öflugum einstakling í starf deildarstjóra Framleiðsludeildar.
Megin hlutverk Framleiðsludeildar er uppbygging á gagnaflutningskerfi Gagnaveitu Reykjavíkur. Í því felst ljósleiðaravæðing svæða sem og afhending þjónustu til viðskiptavina.

Deildarstjóri er í stjórnendahópi GR, næsti yfirmaður deildarstjóra er framkvæmdastjóri.

Deildarstjóri fylgir fyrirmælum framkvæmdastjóra og þeim verklagsreglum sem varða starf deildarstjóra og starfsemi deildarinnar eins og þær eru á hverjum tíma í rekstrarhandbók GR.

• Þátttaka í stefnumótun, markmiðasetningu og áætlanagerð GR og ábyrgð á stefnu, markmiðum og áætlunum sinnar deildar, s.s. rekstrar- og fjárfestingaráætlanir.
• Stjórnun viðfangsefna deildarinnar, þ.m.t. verklag, framvinda og eftirlit. Ábyrgð á mótun og viðhaldi verklagsreglna, leiðbeininga og eyðublaða sem varða deildina.
• Ábyrgð á samningagerð deildarinnar og eftirlit með samningum.
• Ábyrgð og stjórnun á starfsmönnum deildarinnar
• Stjórnun kostnaðar deildar og viðfangsefna skv. fjárhagsáætlun, þ.m.t. samþykki og eftirlit
• Ábyrgð á upplýsingagjöf til framkvæmdastjóra um alla meginþætti í starfsemi deildarinnar og ef frávik sem upp koma í starfseminni.

• Háskólapróf úr verk- eða raungreinum nauðsynlegt, helst framhaldsmenntun (MSc)
• Reynsla af stjórnun, þ.m.t. mannaforráðum, æskileg
• Góð skipulags og stjórnunarhæfni
• Frumkvæðni, áræðni, árangurssækni og röggsemi til verka
• Góð færni í mannlegum samskiptum og hæfileiki til að hvetja fólk til dáða
• Reynsla og þekking á verkefnastjórn nauðsynleg
• Góður skilningur á kostnaðarbókhaldi
• Góð almenn þekking á verklegum framkvæmdum
• Góð almenn þekking á nútíma tölvu- og nettækni
• Góð þekking á MS Office, sér í lagi Excel og Word
• Góð íslenskukunnátta og ritfærni til skjölunar og skýrslugerðar
• Góð enskukunnátta
• Fagleg, markviss og öguð vinnubrögð

Netsérfræðingur

Leitað er að metnaðarfullum og árangursdrifnum einstaklingum í tæknideild Gagnaveitu Reykjavíkur.  Tæknideild sér um tæknilega uppbyggingu, rekstur og viðhald á gagnaflutningskerfi GR.

• Rekstur og viðhald á IP/MPLS netkerfi GR
• Skipulagning á útbreiðslu IP/MPLS netkerfis
• Uppfylla kröfur GR um uppitíma og viðgerðir
• Mælingar á gæðum og afkastagetu netbúnaðar
• Tækni- og rekstrarleg samskipti við þjónustuveitur
• Skilgreining á kröfum til alls netbúnaðar
• Val og innkaup á netbúnaði

• Háskólapróf í verkfræði, tölvunarfræði eða sambærilegu
• Reynsla af hönnun, uppbyggingu og rekstri flókinna netkerfa er æskileg
• Fagleg, markviss og öguð vinnubrögð

Umsóknarfrestur er til 13.október 2009
Áhugasamir hafi samband við Sólrúnu Kristjánsdóttur solrun.kristjansdottir@or.is eða fyllið út rafræna umsókn hér